nKong Jali Sakit minta pepes......cuuu. ......

Engkong Jali tegolek lemes kaga betenage akibat sakit payah yang sudah dideritanya ude lama dan sedang ditemenin ame seorang cucu kesayangannye si Mamit, nyang sayang banget ame die dan terus terjadi dialog di antara mereka :

Engkong (E) : “Cuu… Engkong lu kayanye udah hampir nyampe nih… ngkali kite udah mau berpise buat selame-lamenye… cuu”, kate si nKong sesenggukan sedih banget.
Cucu (C) : “ Buset Jangan ngomong begitu dong nkong !!!, pamali ,namanye umur kan di tangan Tuhan nyang Kuase.”, jawab si mamit sambil menahan die punya perasaan sedih.
E : “Tapi bener nih… rasa-rasanye engkong lu udah mao game over…”
C : “Ah… engkong masih bisa becanda aje.”
E : “Engkong ada permintaan terakhir nih cu…”
C : “Apan tuh kong… kali-kali aje ane bisa penuhin permintaan engkong.”
E : “Anu cu… tolong dong bikinin engkong pepesan tai burung…!!”
C : “Kong… nyang bener aje dong, masa orang sakit mintanye nyang aneh begitu…???? minta nyang laen aje napa??”
E : “Aduh…cuuu .. tolongin engkong lu dong… masa permintaan segitu aje elu kaga mau ngabulin sih…???? lu orang ude kaga sayang ya sama guwah???”

Karena saking sayang dan cintanye ni cucu (si Mamit), ama engkongnye, akhirnya die penuhin juga permintaan engkongnye. Akhirnye si cucu pergi ke pasar burung di jalan barito deket pasar meyestik , ude gitu die raupin tuh tai burung buat dibawa pulang dapet deh barang se-plastik , ude gitu die masak deh dijadiin pepesan, kaga lupe die tambahin bawang, seldri,cabe, kunyit,jahe, garem ama merice. Udeh selesai, pegi dah si cucu nyamperin engkongnye:

C : “Nih kong pepesan tai burungnye… udeh jadi”
E : “Waduh makasih ya cuu......... lu orang memang cucu kesangan guwe tapi tapi… sekarang tolong elu cicipin dulu dong…”
C : “Buset dah…bujubuneng. ..... masa sekarang ane suruh nyicipin ni pepesan tai burung??.... .waduh nKong nyuru nyang laen aja napa????@!%$ #*&^??”
E : “Aduh tolong dong…cuu..... . ini pan permintaan terakhir engkong, masa elu satu satunya cucu kesayangan nKong kaga mau sih…?????”

Karena saking sayang dan cintanye ama si engkong, akhirnya si cucu mau juga nyicipin ,sambil menahan napas diberonya die ambil entu pepes terus diteleg ngak lupe die minum air puti anget nyang memang die sediain.

C : “Udeh tuh ane cicipin…”
E : “Gimane cu… enak ape enggak??”
C : “Ya terang aje kaga enak kong… namanye aje pepesan tai burung…!!”
E : “Aduh…cuuu ....... elu aje nyang sehat berasa kaga enak, gimane gue nyang sakit yaaa ?????…!!!”
C : “@#!$%#!*()&!!!”